Kristian Berg Jåtten

Kristian er skodespelar, songar og humorist opphavleg frå Stavanger. Som fast tilsett ved Den Nationale Scene har han spela i ei rekkje førestillingar dei siste åra, mellom anna Namnet, Kim F, Engler over Møhlenpris, KUK og Vaktmesteren. Kristian er også sentral i Svartnissen kjem til Bergen der han spelar Mr Kaboom, Reinsdyret Rudolf og Tante Gerd. Her vekslar han lett og lekent mellom dei ulike typane.

Kristian har tidlegare vore engasjert ved Rogaland Teater og har mellom anna sett sitt humorpreg i Stavanger gjennom deira tradisjonrike sommarteater. I fleire år har han drive sitt eige sommarprosjekt Mågå som har vore ein stor suksess i byen. Den seinare tida har vi sett han svært opplagt og leken saman med Tormod Løvold i den morsame og musikalske familieførestillinga Knutsen og Ludvigsen.

Som musikar og songar har han hatt ei rekkje konsertar både i Stavanger og Bergen dei siste åra, der han med piano og gitar set sitt eige akustiske preg på kjende låtar, ofte saman med Ameli Isungset Agbota.

I januar 2020 fekk han Bergen Teaterforenings Rampeløkten for sitt arbeid på scenene i Bergen.

For booking av Kristian Berg Jåtten kontakt: linda@stasartist.no / +47 98285108